शिवजयंती उत्सवाचा धुमधडाका: इंडियन पब्लिक स्कूल व के.एस.के. स्कूलमध्ये छत्रपती शिवाजी महाराजांची जयंती साजरी

 

गणेश पगारे 

माहोरा,१९ फेब्रुवारी २०२५

 आज इंडियन पब्लिक स्कूल आणि के.एस.के.स्कूलमध्ये छत्रपती शिवाजी महाराजांची शिवजयंती मोठ्या उत्साहात साजरी करण्यात आली. या कार्यक्रमात विद्यार्थी, शिक्षक आणि पालकांनी उत्साहपूर्वक सहभाग घेतला.  

सकाळी सूर्योदयापासूनच शाळेच्या प्रांगणात शिवाजी महाराजांच्या प्रतिमेश पुष्पहार अर्पण करून कार्यक्रमाला सुरुवात झाली. त्यानंतर, विद्यार्थ्यांनी शिवाजी महाराजांच्या पराक्रमाच्या गाथा आणि त्यांच्या व्यक्तिमत्त्वाचे वैशिष्ट्य यावर भाषणे झाली.  

शाळेच्या मुख्याध्यापक भारत इंगळे यांनी या प्रसंगी उपस्थितांना संबोधित करताना म्हटले, "छत्रपती शिवाजी महाराज हे केवळ एक शूर योद्धाच नव्हते, तर ते एक महान रणनीतिकार, न्यायप्रिय शासक आणि समाजसुधारक होते. त्यांच्या आदर्शांवरून आपण आजही प्रेरणा घेऊ शकतो." 

कार्यक्रमाचे सूत्रसंचालन शिक्षिका सौ.वैशाली वाघ यांनी तसेच आभार प्रदर्शन शिक्षक कैफ शेख यांनी केले. कार्यक्रमाच्या शेवटी, शाळेच्या विद्यार्थ्यांनी शिवाजी महाराजांच्या विचारांचा प्रसार करण्यासाठी एक मोठी रॅली काढण्यात आली. या रॅली मध्ये शिवाजी महाराज, राजमाता जिजाऊ,मावळ्यांच्या वेशभूषा मध्ये विद्यार्थी अवतरले तर काही विद्यार्थ्यांनी लेझीम सादर केली.

या उत्सवाद्वारे विद्यार्थ्यांमध्ये इतिहासाची जाणीव निर्माण करण्याचा प्रयत्न करण्यात आला. शिवजयंतीच्या निमित्ताने शाळेच्या प्रांगणात एकात्मता, धैर्य आणि कर्तव्यनिष्ठा या मूल्यांचा संदेश देण्यात आला.

यावेळी सौ.अश्विनी इंगळे,देवयानी गव्हले,वैष्णवी कासोद, सुमय्या मॅडम यांनी कार्यक्रमासाठी परिश्रम घेतले. कार्यक्रमासाठी पालक,कर्मचारी,तथा नागरिक मोठ्या संख्येने उपस्थित होते.