गणेश पगारे
जाफराबाद तालुक्यातील माहोरा गावातील ग्राम संसद कार्यालयात आज 6 जून रोजी छत्रपती शिवाजी महाराज शिवराज्याभिषेक दिन मोठ्या उत्साहात आणि अभिमानाने साजरा करण्यात आला. या कार्यक्रमाची सुरुवात सरपंच गजानन पाटील लहाने यांच्या हस्ते ध्वजारोहणाने झाली. त्यानंतर छत्रपती शिवाजी महाराजांच्या प्रतिमेचे पूजन करून त्यांना सामूहिक अभिवादन करण्यात आले.
कार्यक्रमाला उपसरपंच बाबासाहेब बोरसे, ग्रामपंचायत सदस्य प्रभाकरराव शहागडकर, भानुदास बोर्डे, सय्यद मुन्शी, तसेच ग्रामविकास अधिकारी रावसाहेब दांडगे हे मान्यवर उपस्थित होते. याशिवाय सामाजिक कार्यकर्ते दादाराव गडकरी, सुभाष पाटील लहाने, शेख मेहमूद, बाबुराव साबळे, दत्तात्रय शहागडकर, अंकुश गाढे, संतोष पंडित, संजय करंडे, पोटे मिस्तरी, प्रकाश काकफळे, लक्ष्मण वाघ, विकास जाधव, गणेश गायकवाड, विजय इंगळे आदी ग्रामस्थ मोठ्या संख्येने उपस्थित होते.
या प्रसंगी छत्रपती शिवाजी महाराजांच्या प्रतिमेचे विधिवत पूजन करून सामूहिक महाराष्ट्र गीताचे वाचन करण्यात आले. कार्यक्रमात उपस्थित मान्यवरांनी शिवाजी महाराजांच्या कार्याचा आदर्श घेत एकतेचा आणि सामाजिक जाणीवेचा संदेश दिला.
ग्रामस्थांच्या सहभागामुळे कार्यक्रमाला विशेष उत्साह आणि महत्त्व प्राप्त झाले. शिवराज्याभिषेक दिन हा केवळ ऐतिहासिक दिवस नसून, तो स्वाभिमान, नेतृत्व आणि जनकल्याणाच्या मूल्यांची आठवण करून देणारा प्रेरणादायी क्षण आहे, असे मत यावेळी व्यक्त करण्यात आले.
0 टिप्पण्या